Mirzo Ulug‘bek tumani “Mustaqillik” MFY axolisi va yoshlari uchun tashkil etilgan, yugurish, futbol va basketbol maydonchasidan iborat sport majmuasi munosib sovg‘a bo‘ldi. Ushbu sport kompeksidagi futbol maydonchasi, bolalar maydonchasi va kattalar uchun turli trenajerlar kompleksining foydalanishga topshirilganidan maxallaning barcha axolisining xursandchiligi cheksiz.

Mazkur sport kompleksi “Yoshlarni qo‘llab-quvvatlash va aholi salomatligini mustahkamlash yili” dasturi asosida Xalq deputatlari Toshkent shahar Kengashi deputati, TIQXMMIning rektori, professor O‘ktam Umurzoqovning tashabbusi bilan tashkil etilayotgan 4-obyekt xisoblanib, ochilishidagi ramziy tasmani qirqish uchun maxalla faollari, tuman hokimligi vakillari ishtirok etishdi.

So‘ngra barcha yam-yashil futbol maydonchasiga kirib o‘z joylarini egallashdi. Maxalla axolisi va yoshlari ishtirokida jozib raqslar namoyish etildi. Mahalla faollari ushbu majmuaning ochilishida jonbozlik ko‘rsatgan institutimiz rahbariyatiga o‘z minnatdorchiligini bildirdi.

TIQXMMI matbuot xizmati