Institut rektorining 2021-yil “14-yanvar Vatan himoyachilari kuni” bayramini oʼtkazish boʼyicha ishlab chiqilgan chora-tadbirlar rejasi asosida "Gidromelioratsiya" fakulteti Daryo va suv omborlari talim yoʼnalishi 110-guruh talabalari guruh murabbiyi Q.Sh.Eshquvatov bilan birgalikda 16-yanvar kuni Gʼalaba bogʼi va Shon-sharaf muzeyiga ekskursiya tashkil qilindi. Ekskursiya jarayoni talabalarda oʼzgacha taassurot uygʼotganligi ularning yuz-koʼzlaridagi hayratdan bilinib turdi.

Talabalar muzeyda tashkil qilinga eksponatlarga hayrat bilan boqar ekan, aynan urush yillarida ota-bobolarimizning qanchalik zahmat chekkanligiga yana bir bor amin boʼlganligi yaqqol koʼrinib turdi. Аyniqsa, muzeydagi baʼzi eksponatlar talabalar qalbida shu davrning odamlariga boʼlgan achinish hissini uygʼotganligini koʼrish bilan bir qatorda hozirgi davrda yashayotganliklariga shukrona keltirganliklarini ham guvohi boʼldik. Mana shunday ekskursiyalarni tashkil qilish yoshlarimizning oʼsha davrda yashagan insonlar bilan hozirgi zamonni taqqoslashi va mana shunday tinchlik, osoyishtalik hukmronlik qilayotgan yurtda hayot kechirayotganligi uchun shukrona keltirishi, buning uchun hamma imkoniyatlar mavjud ekanligini tushunib yetishiga zamin yaratadi.

TIQXMMI  matbuot xizmati