14-yanvar kuni "Yer resurslarini boshqarish" fakultetining faol, iqtidorli talaba-qizlari tashabbusi bilan nafaqat fakultetning professor-oʼqituvchilari va talaba-yigitlarini, butun institutimizning professor-oʼqituvchilari, hurmatli prorektorlarimiz hamda barcha fakultetlarimiz dekanlarini harbiy libos kiyib tabriklashdi. Kechki vaqt 1-talabalar turar joyida fakultet rahbariyati hamda talaba-qizlari tashabbuslari bilan talaba-yigitlarimiz uchun ajoyib bayram tadbiri tashkillashtirildi. Unda soʼzga chiqqan fakultet dekani Sh.Narbaev hamda yoshlar bilan ishlash boʼyicha dekan muovini H.Eshova barcha yigitlarni bayram bilan tabriklashdi. Tadbirda iqtidorli talabalarimiz tomonidan ajoyib kuy-qoʼshiqlar yangradi.

Tadbir juda qiziqarli va maroqli boʼlib oʼtdi. Biz ham sizlarni Oʼzbekiston Respublikasi Qurolli Kuchlari tashkil etilganligining 29 yilligi hamda Vatan himoyachilari kuni bilan chin qalbdan muborakbod etamiz. Sizlarni va oila aʼzolaringizni, yaqinlaringizni butun xalqimiz tomonidan keng nishonlanayotgan sharafli bayramingiz bilan qutlaymiz! Sizlarga sihat-salomatlik, oilaviy baxt, olijanob va masʼuliyatli faoliyatingizda ulkan yutuqlar tilaymiz.

TIQXMMI matbuot xizmati