Oliy va o‘rta maxsus ta’lim vazirligi hamda O‘zbekiston futbol federatsiyasi tomonidan 2018 yil 1 fevraldagi 87-02-243-sonli xatiga asosan, 2018 yilning 10 mart kuni Toshkent shahar bo‘yicha 20ta  Oliy ta’lim muassasalari o‘rtasida futbol bo‘yicha O‘zbekiston futbol federatsiyasi Kubogi musobaqasining qur’a tashlash marosimi bo‘lib o‘tdi.

Toshkent irrigatsiya va qishloq xo‘jaligini mexanizatsiyalash muhandislari institutining “Irrigator” terma jamoasi 28 mart kuni Toshkent davlat iqtisodiyot universiteti terma jamoasini 2:0 hisobda mag‘lub etib, keyingi bosqich yo‘llanmasini qo‘lga kiritdi.

2 aprel kuni “Irrigator” terma jamoasi O‘zbekiston Milliy universiteti jamoasini 3:0 hisobida g‘alabaga erishdi va yarim final yo‘llanmasini qo‘lga kiritdi.

4 aprel kuni yarim final bosqichida “Irrigator” terma jamoasi Islom Karimov nomidagi Toshkent davlat texnika universiteti terma jamoasi bilan final bosqichi uchun maydonga chiqdi. O‘yin juda qiziqarli bo‘ldi. O‘yinning asosiy vaqtida terma jamoalar 1:1 hisobda g‘olib aniqlanmadi. G‘olib jamoasini penaltilar seriyasida aniqlandi va “Irrigator” terma jamoasi 3:1 hisobida g‘alaba qozonib final bosqichiga yo‘llanmani qo‘lga kiritdi.

7 aprel kuni “Irrigator” terma jamoasi Toshkent shahar final bosqichida O‘zbekiston davlat jahon tillari universitetiga qarshi maydonga chiqishadi. “Irrigator” terma jamoasiga omad tilab qolamiz.

 

“Jismoniy madaniyat va sport” kafedrasi mudiri M. Norqobilov axboroti

Institut matbuot kotibi Rahimboy Jumaniyozov