Bugungi kunda mamlakatimiz qishloq xo‘jaligida eng zamonaviy texnika va texnologiyalarning qo‘llanishi qishloq xo‘jaligi maxsulotlaridan olinadigan xosildorlikning o‘sishiga olib kelmoqda. Albatta, bu zamonaviy texnikalarning narxlari xam qimmatligi inobatga olinadigan bo‘lsa, ulardan uzoq muddat, maksimal darajada foydalanishini talab etadi. Buning asosiy yechimlaridan biri, mutaxassislar tomonidan zamonaviy texnikalarga o‘z vaqtida servis xizmatlarini ko‘rsatish, texnikalarning talab etiladigan rostlanishlarini aniq bilishi, ma’lum o‘simliklar va texnologik jarayonlarga qarab foydalanish xam kerak bo‘ladi.

Joriy yilning 15-may kuni Qashqadaryo viloyatida “O‘zKeysservis” o‘zbek-amerika qo‘shma korxonasi tomonidan tashkil etilgan respublika seminari xam aynan shu mavzuga bag‘ishlangan bo‘lib, seminarda respublika viloyatlaridan soha bo‘yicha raxbar kadrlar, mutaxassislar va fermerlar ishtirok etishdi. Institut va “O‘zKeysservis” korxonasi o‘rtasida tuzilgan xamkorlik doirasida institut professor-o‘qituvchilari xam bu seminarda ishtirok etishib zamonaviy qishloq xo‘jaligi texnikalariga servis xizmati ko‘rsatish, foydalanish, texnikalardagi  talab etiladigan rostlanishlari bo‘yicha fikr almashinildi va tavsiyalar berildi.    

 

 

 “Qishloq xo‘jaligini mexanizatsiyalash” fakulteti

dekani Q.Shavazov ma’lumoti
TIQXMMI matbuot xizmati