Intellektual salohiyati bor bo‘lgan inson albatta, kitob varaqlaydi, mutolaa va mushohadaga o‘ch bo‘ladi. Shundagina u kengqamrovli bilimga ega bo‘ladi. Mulohazakorlik va topqirlik hamda tezfahmlik ularning tabiati va tiynatida nish urgan bo‘ladi. Turli sohalarga doir qiziqarli faktlarni yig‘ib yuradi. Bular albatta qachondir asqotishini his etadi. Yangi g‘oya va yangi fikr innovatsion ixtirolarga, taraqqiyot strategiyasiga yo‘l ochadi.

Shunday ekan, 22 - aprel - "XALQARO YER KUNI" munosabati bilan “Yer umummilliy boylik, uni asrab-avaylash barchamizning burchimizdir" mavzusida 2019 - yil 16 - 17 -aprel kunlari talabalar orasida intelluktual tanlov o'tkazildi. 17 aprel kuni “Yer - umummilliy boylik” mavzusida intellektual o'yin tanlovi ishtirokchilarda yaxshi taassurot uyg‘otdi. Bu tanlovda institut bo'yicha 17 ta jamoa ishtirok etdi. Ular turli mavzular bo‘yicha savol va javoblar orqali o'z bilimlarini namoyish etishdi.

"Yer resurslarini boshqarish" fakulteti yetakchilari axboroti

Institut matbuot kotibi Rahimboy Jumaniyozov