Institut rahbariyati tashabbusi bilan har bir kafedra tomonidan ushbu qutlug‘ umumxalq bayramimizni chiroyli o‘tkazish maqsadida urush qahramonlari va Front ortida faoliyat-shijoat ko‘rsatgan qadrdonlarimiz va avvaldan ishlab institut taraqqiyotiga o‘z hissasini qo‘shgan, hozirda nafaqada bo‘lgan professor-o‘qituvchilarimizni eslab, joriy yilning 8 may kuni “Pedagogika, psixologiya va o‘qitish metodikasi” kafedrasi professor-o‘qituvchilarining tashriflari amalga oshirildi.

Ular ancha yil u kafedrada faoliyat ko‘rsatib kelgan p.f.n, dotsent Musaev Renat Sultonovichning xonadoniga kafedra professor-o‘qituvchilaridan p.f.d.D.Ximmataliev va ass. B.Muqimovlar tashrif buyurdilar, ularni hollaridan xabar olib hamsuhbat bo‘lishdi. Ular institutda bo‘layotgan o‘zgarishlar, Prezidentimizning Qarorlari va farmonlarini ta’lim tizimiga keng joriy etilayotganligi, institut taraqqiyoti va faoliyati haqida suhbatlashib ularni xabardor qildilar. Bu tashrifdan juda mamnun bo‘lgan Renat Sultonovich bizga va tashkilot rahbariga o‘z minnatdorchiliklarini aytib jo‘natibdilar.

PP va O‘M kafedrasi mudiri Z.K.Ismailova axboroti

Institut matbuot kotibi Rahimboy Jumaniyozov