Institutimizda ko‘p yillardan faoliyat yuritib hozirda nafaqada bo‘lgan o‘qituvchi – xodimlarimiz har doim institut rahbariyati tomonidan e’zozlanib kelmoqdalar va xech qachon e’tibordan chetda qoldirilmagan.

Yuqoridagi so‘zimizdan kelib chiqib, shuni ma’lum qilishni joiz topdikki, joriy yilning 14 mart kuni institut Axborot resurslari markazida ko‘p yillardan buyon faoliyat yuritib kelgan, umrining ko‘p yillarini institutga baxshida etgan fahriy xodimlarimiz, bosh kutubxonachi Toshqo‘zieva Barno Usmonovna, 1 – toifali kutubxonachi Nuritdinova Dilora Maxmudjanovna, bo‘lim boshlig‘i Mustayapova Nurilniso Tulebayevnalarni nafaqaga chiqib, ishdan ketayotganliklari sababli Ma’naviy – ma’rifiy ishlar bo‘yicha prorektor Qodirjon Shavazov hamda Axborot resurslari markazi direktori Shaxnoza Tillashayxovalar ishtirokida, fahriy xodimlarimizga institut xayoti uchun qilgan ishlari uchun institut rektori O‘.Umurzakovning tashakkurnomasini hamda estalik sovg‘alarini tantanali ravishda topshirishdi va bundan keyin ham institutning xayoti bilan hamnafas bo‘lib, bayramlarda tashrif buyurib jamoat ishlarida ishtirok etib yurishsa boshimiz osmonlarga yetib yurishini bildirishdi.

     Ma’naviyat – ma’rifat va iqtidorli yoshlar bilan ishlas bo‘limi  boshlig‘i  D.Siddiqova  axboroti