“Xorijiy universitetlardagi innovatsion yechimlarni joriy etish orqali qishloq xo‘jaligida muhandis kadrlarni tayyorlash dasturlarini takomillashtirish” loyihasi doirasida Oklahoma shtati universiteti professori Paul Weckler ishtirokida shu yil 3-7 avgust kunlari “Traktorlar, avtomobillar va o’ziyurar mashinalarning elektron jihozlari” kursi bo‘yicha Zoom platformasi orqali onlayn seminar tashkil etilmoqda.

Seminar haftani dushanba-juma kunlari Oklahoma vaqti bilan soat 7.30-10.30 Toshkent vaqti bilan 17.30-20.30da o‘tkaziladi, tashkil etiladigan seminarga professor o‘qituvchilar, doktorant va magistrantlar taklif etiladi.

Seminardagi tinglovchilar soni chegaralangan. Seminarda ishtirok etmoqchi bo‘lgan talabgorlar aif-agr-eng@tiiame.uz elektron pochta yoki 97 343 3437 telefon raqami orqali bog‘lanib kursga yozilishlari yoki kurs haqida qo‘shimcha ma’lumotlar olishlari mumkin. Seminarning faol ishtirokchilari sertifikat bilan taqdirlanadilar.

Traktorlar va avtomobillar kafedrasi