Irrigatsiya va melioratsiya kafedrasi dotsentlari Аdham Mamataliyev, Shavkat Botirov, Javlon Ishchanov va oʻqituvchilar Shaxboz Mardiyev, Ilhom Urazboyev institutimizning 4-talabalar turar joyida yashovchi 1-kurs talabalari bilan “Neʼmatlarni asraylik” mavzusida suhbat uyushtirdilar. Bu tadbirdan maqsad talabalar bilan turar joyidagi sharoitlar boʻyicha suhbatlashish, fikrlarini bilish va maslahatlar berishdan iborat edi. Tashkil qilingan suhbat kutilgandan koʻra qiziqarliroq tus oldi.

Bugun yurtimizda kechayotgan shiddatli islohotlar natijasida yoshlarning bilim olishlari, har tomonlama yetuk boʻlib tarbiya topishlari uchun qulay sharoitlar yaratilmoqda. Jumladan institutimiz talabalari uchun zamonaviy talablarga javob beradigan har tomonlama qulay boʻlgan shinam talabalar turar joylari ham talabalar ixtiyorida. Ammo oʻz navbatida yoshlarga boʻlgan bunday eʼtiborga nisbatan ular tomonidan qanday munosabatda boʻlishlari ham muhim hisoblanadi. Talabalar bunga javoban, yaxshi oʻqishlari, jamoat ishlarida faolliklari bilan birgalikda jamoat mulki boʻlgan turar joy inventarlari, jihozlari, mebellari va boshqa moddiy boyliklariga zarar yetkazmasdan avaylab-asrab foydalanishlari lozim.

Tadbir davomida yurtimizda talaba-yoshlar uchun katta imkoniyat eshiklari ochilayotganligi va bundan samarli foydalanish kerakligi toʻgʻrisida fikrlar, ham ustozlar, ham talabalar tomonidan aytib oʻtildi. Shu bilan birgalikda talabalar turar joyning sharoit va imkoniyatlaridan juda ham mamnun ekanliklarini va buning uchun institut rahbariyatidan minnatdor ekanliklarini maʼlum qildilar. Uchrashuvda talabalar tomonidan “turar joydagi barcha moddiy boyliklarni koʻz qorachigʻidek asrab-avaylash, ularning qadriga yetish, shu aziz va muqaddas Vatanga munosib boʻlish eng asosiy burchimiz deb hisoblaymiz” degan fikrlar ilgari surildi.

 

TIQXMMI matbuot xizmati