Oʼzbekiston Respublikasi Prezidentining 2021-yil 20-apreldagi PF-6208-sonli Farmoni, Oliy va oʼrta maxsus taʼlim vazirligining 2021-yil 29-apreldagi 202-sonli buyrugʼi ijrosini taʼminlash yuzasidan, Toshkent shahar Mirzo-Ulugʼbek tumanidagi “Mirzakalon Ismoiliy” M.F.Y. bilan TIQXMMI “Qishloq va suv xoʼjaligi energiya ta’minoti” fakulteti hamkorligida Prezidentimizning 5 ta muhim tashabbusi doirasida 2021 yil 6 iyun kuni mahalla yoshlari va faollari ishtirokida sportning shaxmat-shashka turi boʼyicha musobaqa oʼtkazildi.
Tadbirda “Mirzakalon Ismoiliy” M.F.Y. Oila, xotin-qizlar va ijtimoiy manaviy masalalar bo’yicha rais o’rinbosari Iqbolova Feruza Jafarovna, M.F.Y. Nuroniylar kengashi raisi professor Karimov Rustam Salimovich, Raisning yoshlar ishlari boʼyicha oʼrinbosari Xamroev Iskandar, shuningdek, “Qishloq va suv xoʼjaligi energiya ta’minoti” fakulteti dekani professor A.J.Isakov va ETvaEJF kafedrasi assistenti Sh.Yusupovlar ishtirok etishdi. Sport musobaqasi mahalla yoshlarida katta qiziqish uygʼotdi. Musobaqa yakunida gʼoliblarga kitoblar va sovgʼalar topshirildi.
TIQXMMI matbuot xizmati