O‘zbekiston Respublikasi Prezidenti tomonidan ilgari surilgan 5 ta muhim tashabbusning 2 tashabbusi - yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yo‘naltirish tashabbusi yuzasidan 2019 yil 17 oktyabr kuni “Sport bizni birlashtiradi” shiori ostida “Gidromeliorativ ishlarini mexanizatsiyalash” fakultetining 1-kurs talaba-yoshlari o‘rtasida ommaviy sportni yanada rivojlantirish maqsadida, talabalarning darsdan bo‘sh vaqtlarini mazmunli o‘tkazish bo‘yicha mini-futbol bo‘yicha “Dekan kubogi” musobaqasi o‘tkazildi. Mazkur musobaqani fakultet dekani B.Norov tomonidan ko‘tarinki ruhda ochib berdilar. Musobaqada 6 ta guruh terma jamoalari o‘rtasida murosasiz bellashuv bo‘lib o‘tdi. Ushbu bellashuv yakunida g‘olib jamoalarni fakultet rahbariyati tomonidan diplom, kubog hamda esdalik sovg‘alar bilan munosib taqdirlandilar. Turnir yakuni bo‘yicha: 1-o‘rinni SXMIM 104- guruh terma jamosi egallab guruhlar o‘rtasida tengsiz deb topildi. 2-o‘rin SXMIM 103 - guruh terma jamoasiga nasib etdi. Faxrli 3-o‘rinni esa SXMIM 102 - guruh terma jamoasi egalladilar.

GIM fakulteti yoshlar bilan ishlash bo‘yicha dekan o‘rinbosari O.Ro‘zibaev axboroti

Institut matbuot xizmati rahbari R. Jumaniyozov