Soʼngi yillarda mamlakatimizda amalga oshirilayotgan islohotlarni mazmun-mohiyati va ahamiyatini keng jamoatchilikka yetkazish va ularni targʼib qilish maqsadida koʼplab chora-tadbirlar amalga oshirilmoqda. Ulardan yana biri “YANGI OʼZBEKISTON – YANGICHА DUNYOQАRАSh” shiori ostida oʼtkazilayotgan maʼnaviy-maʼrifiy, madaniy tadbirlar xisoblanadi. Bu tadbir keng jamoatchilik tomonidan eʼtirof etilib, mamlakatimiz xayotida sodir boʼlayotgan islohotlarni targʼib qilishda oʼz samarasini bermoqda. Mamlakatimiz boʼylab olib borilayotgan maʼnaviy-maʼrifiy, madaniy tadbirlarni oʼtkazishda Gidrotexnika qurilishi fakulteti “Suv energiyasi va nasos statsiyalaridan foydalanish” kafedrasi professor-oʼqituvchilari ham oʼz xissalarini qoʼshmoqda. Kafedra professor-oʼqituvchilari 2020-yil 20-noyabr kuni Oʼrta Chirchiq tumani Usmonota MFY da oʼtkazilgan maʼnaviy-maʼrifiy, madaniy tadbirda faol ishtirok etishdi. Tadbida Usmonota MFY fuqorolari, Oʼrta Chirchiq tumani madaniyat xodimlari va 39-maktab faol yoshlari ishtirok etishdi. Tadbirni kafedra oʼqituvchilari Berdiyev Mustafo va Shodiyev Boburlar ochib berdilar. Ular ishtirokchilarga “Hozirgi kunda mamlakatimizda amalga oshirilayotgan islohatlarni mazmun-mohiyati va axamiyati” mavzusida maʼruza qilishdi. Tadbir davomida Usmonota MFY raisi Xamidov Bahodir soʼzga chiqib, mahallaning faol aholisi orasida oʼrnak boʼladigan oilalarga esdalik sovgʼalarini ulashdi. Oʼrta Chirchiq tumani madaniyat xodimlari va 39-maktab faol yoshlari esa tadbir ishtirokchilarini oʼz chiqishlari va sahna koʼrinishlari bilan xushnud etishdi.

 

 

TIQXMMI matbuot xizmati