Oʻzbekiston Respublikasi Qurolli Kuchlari tashkil etilganligining 27 yilligi hamda Vatan himoyachilari kunini munosib kutib olish va uni umumxalq bayrami sifatida keng nishonlash, yoshlar bilan “Vatan muqaddas, uni himoya qilish sharafli burchdir!” degan umumiy gʻoya ostida tadbirlar tashkil etilmoqda. Jumladan, Respublika Maʼnaviyat va maʼrifat markazi Yunusobod tumani boʻlinmasi bilan hamkorlikda harbiy tayyorgarlik oʻquv boʻlinmasi professor-oʻqituvchilari taʼlim muassasalariga tashrif buyurib, u yerdagi yoshlar bilan davra suhbati olib bordilar.

Yunusobod kompyuter texnologiyalari kasb-hunar kollejida tashkil etilgan davra suhbatida harbiy kafedra oʻqituvchilari rezervdagi podpolkovniklar Jurayev Luqmonjon Ismoiljonovich va Navruzov Raxmat Maxmudovich hamda harbiy kafedra maxsus tayyorgarlik sikl talabalari Maxmudov Azizxoʻja Akram-oʻgʻli, Isabayev Nursulton Kasimbekovich, Musayev Tolibjon Aliakbar-oʻgʻli talabalar qatnashdilar. Ushbu kollej direktori Xayitbayev Nusrat Saʼdullayevich davra suhbatida qatnashuvchilarni yoshlarga tanishtirganidan keyin tadbir boshlandi. Rezervdagi podpolkovnik R.M. Navruzov oʻquvchilarga Oʻzbekiston Respublikasi Qurolli kuchlarida boʻlayotgan islohotlar va harbiy xizmatchilarning xizmat faoliyati va ularning xizmat davomida koʻrsatgan Mardlik va jasorati haqida maʼlumotlar berdi.

Toshkent irrigatsiya va qishloq xoʻjaligini mexanizatsiyalash muxandislari instituti harbiy kafedrasi boshligʻi podpolkovnik R. Minlishev axboroti

Institut Matbuot kotibi Rahimboy Jumaniyozov