Ilm-fan jamiyat taraqqiyotining mayog‘idir. U yoritadi, el-yurtga farovonlik baxsh etadi. Uni mahkam tutgan ilm tilsimlarini bilishdan, o‘rganishdan zavq oladi. O‘z kasbiga, sohasiga mehri ustuvor bo‘lganlar institutimiz faxridir. Eshmatov Sirojiddin Keldiyorovich – Toshkent irrigatsiya va qishloq xo‘jaligini mexanizatsiyalash muhandislari instituti tayanch doktoranti. 2020 yil uchun qishloq va suv xo‘jaligi yo‘nalishida O‘zbekiston Respublikasi Prezidenti Davlat stipendiyasi sohibi bo‘lgani jamoamiz faxridir. Sirojiddin Eshmatov «O‘zbekiston iqtisodiyotida meva-sabzavotchilikda qiymat zanjirini rivojlantirish yo‘nalishlari» mavzusida ilmiy-tadqiqot olib bormoqda. U jami 11 ta ilmiy ish, jumladan – 8 ta ilmiy maqola va 3 ta tezislarning muallifidir.

 

Institut matbuot xizmati rahbari Rahimboy Jumaniyozov