20 – aprel 2018 yilda akad.M. Mirsaidov va prof. A. Salohiddinovlar MChJ O‘zGIP Loyiha institutida  TIQXMMIni oxirgi yillarda bitirgan hozirgi  kunda MChJ O‘zGIP Loyiha institutida muvaffaqiyatli ishlab kelayotgan  TIQXMMI ning sobiq talabalari bilan uchrashishdi.

Bu uchrashuvni shu MChJ O‘zGIP Loyiha  institutining direktori U.V.Abdullaev tashkil qilib, loyihada o‘z ilmiy yechimini topishi kerak bo‘lgan muammolar  bilan uchrashuv qatnashchilarini tanishtirdi.

Bu uchrashuvning asosiy maqsadi shu loyiha institutida muvaffaqiyatli ishlayotgan yoshlarni, kelgusida loyihada uchrayotgan ilmiy muammolarni hal qilishda faol qatnashishlarini ta’minlash  va bu yoshlardan kelgusida oliy malakali yosh mutaxassislar tayyorlash edi.

MChJ O‘zGIP Loyiha instituti  rahbari U.V. Abdulaev tomonidan qo‘yilgan  ilmiy muammolar yechimlarini topish va yoshlarni ilmga jalb qilish bo‘yicha M.Mirsaidov va A.Salohiddinovlar o‘z fikrlarini  bildirishdi.

M.Mirsaidov va A.Salohiddinovlar kelgusida yoshlar bilan birgalikda  qo‘yilgan ilmiy muammolarni yechishda  faol ishtirok etishlarini bildirishdilar.