Har qanday davlat taraqqiyot sari intilar ekan, doimo tarixga nazar tashlab, mavjud urf-odatlar, anʼanalar va qadimiy yodgorliklarni oʻrganishga va saqlashga intilishi tabiiy. Ayniqsa, bu borada muzeylarning oʻrni beqiyosdir. Chunki muzeylar oʻtmishdan kelgan tarixiy madaniyat, maʼrifat, tabiat yodgorliklarining yaxlit tizimiga solingan yigʻindisi boʻlib amaldagi qonun-qoidaga muvofiq ravishda saqlanadi va namoyish qilinadi.

Institutimizning “Qishloq va suv xo’jaligi energiya ta’minoti” fakutetining Texnika va texnologiyalarning texnik ekspertizasi va marketing yo’nalishi 1-kurs talabalari poytaxtimizda joylashgan Temuriylar tarixi davlat muzeyiga tashrif buyurdilar. Tashrif chog’ida talabalar Temuriylar tarixi bilan yaqindan tanishib chiqdi. Bundan tashqari muzey ma’muriyati tomonidan tashkil qilingan maxsus ilova orqali talabalar o’zlarini Amir Temur hazratlari bilan yonma-yondek his qilishdi.

TIQXMMI matbuot xizmati