Bugungi kundagi til oʻrganishga boʻlgan dolzarb vaziyatni hisobga olgan holda yoshlarni tillarni oʻrganishga boʻlgan ishtiyoqlarini ragʻbatlantirish, yetuk xodimlarni shakllantirish hamda ularning vaqtlarini samarali qamrab olish niyatida haftaning har juma kuni soat 13:30 da Suv xo’jaligini tashkil etish va boshqarish fakulteti Ingliz tili kafedrasi tashabbusi bilan tashkil etilgan "ENGLISH SPEAKING ZONE" nomli toʻgarak qoʻshimcha darsi tashkil etilgan. Unda tajribali, oʻz kasbini sidqidildan bajaruvchi mutaxassis oʻqituvchilar, jumladan, Abdivaitova Sevara, Ziyodullayeva Mohidil, Ergasheva Sarvinoz, Yuldasheva Nargiza,  Sativaldiyeva Sanobar, Komolova Kumush dars berishmoqda.

Talabalar oʻzlari uchun zarur boʻlgan qoʻshimcha bilimlarni oʻzlashtirib, ulkan qiziqish bilan darslarga qatnashishmoqda. Talabalarda tilni mukammal bilish, mustaqil fikr va keng dunyoqarashni shakllantirish ularning hayot yoʻllarida mustahkam zamin boʻladi.

"Ingliz tili" kafedrasi oʻqituvchisi Abdivaitova S.B. axboroti

TIQXMMI matbuot xizmati