Har qanday tartib tarkibning sog‘lomligi va faoliyati bilan bog‘liq. Jamoa a'zolarining hamjihatligi ish unumining sifatiga va muhitning toza bo‘lishiga imkon yaratadi. 2019 yil 16 yanvar kuni O‘zbekiston yoshlar ittifoqining Toshkent irrigatsiya va qishloq xo‘jaligini mexanizatsiyalash muhandislari institutidagi boshlang‘ich tashkiloti Yoshlar Kengashi yig‘ilishi bo‘lib o‘tdi.

Institut rektorining 2019 - yil 14 - yanvardagi 32 A/F sonli buyrug‘i 2.2 bandi ijrosini ta‘minlash maqsadida boshlang‘ich tashkilot tashkiliy tuzilmasi qayta ko‘rib chiqildi. Boshlang‘ich tashkilot Yoshlar Kengashi a‘zolari va faoliyatni kuzatuvchi guruh e‘lon qilindi.

Faoliyatni jonlantirish, faol yoshlar qatlamini yanada kengaytirish masalasiga to‘xtab o‘tildi. Boshlang‘ich tashkilotning fakultet yoshlar yetakchilariga, Yoshlar Kengashi yetakchilariga O‘zbekiston Yoshlar ittifoqining Toshkent shahar Mirzo Ulug‘bek tumani Ishonch yorliqlari topshirildi. Faol bo‘ling va safimizga qo‘shiling. Biz bilan yangi yutuqlarga erishing.

Institut yoshlar ittifoqi boshlang‘ich tashkiloti ma‘lumoti

Institut Matbuot kotibi Rahimboy Jumaniyozov