Institutimizning “Gidromeliorativ ishlarni mexanizatsiyalash” kafedrasining bir qator professor-oʼqituvchilari 18 -noyabr kuni Oʼrta Chirchiq tumanidagi “Yoriq” MFY hududidagi 15 - umumiy oʼrta taʼlim maktabida tashkil etilgan tadbirda ishtirok etdilar. Jumladan, Tadbirda, “Yoriq” MFY aholisi vakillari, nuroniy otaxon va onaxonlar, tuman hokimligi vakillari, xotin-qizlar kengashi aʼzolari, maktab oʼqituvchi va oʼquvchilari qatnashdilar. Tadbirni “ Yoriq” MFY raisi F.А.Turgʼunov ochiq deb eʼlon qilganidan soʼng, Oʼzbekiston Respublikasining Davlat madhiyasi ijro etildi.Tadbir oʼta koʼtarinki kayfiyatda va karantin qoidalariga rioya qilgan holda oʼtkazildi. Tadbirda “Gidromeliorativ ishlarni mexanizatsiyalash” kafedrasi mudiri, dotsent I.Xudaev “Mamlakatimizda amalga oshirilayotgan islohotlarning mazmun mohiyati va ahamiyati” mavzusida maʼruza qilib yigʼilganlarga mamlakatimizda keyingi yillarda Prezidentimiz Sh.M.Mirziyoev tomonlaridan olib borilayotgan ijtimoiy, iqtisodiy hamda siyosiy sohalardagi islohotlarning tub mohiyati, qoʼlga kiritilayotgan ulkan yutuqlar toʼgʼrisida alohida-alohida toʼxtalib oʼtdi.Tadbirda 15-maktab direktori Nazokat Suyunboeva, “ Yoriq” MFY faoli Umida Mamatqulova, “Gidromeliorativ ishlarni mexanizatsiyalash” kafedrasining dotsenti F.Bekchanovlar soʼzga chiqib mamlakatimizda olib borilayotgan islohotlarning ahamiyati toʼgʼrisida gapirdilar. 15-maktab direktori oʼrinbosari Аziza Аxmedova 18-noyabr Oʼzbekiston Respublikasi Bayrogʼi qabul qilingan kun bilan yigʼilganlarni muborakbod qilib zalda yigʼilgan ota-onalar va mehmonlar oʼrtasida “BАYROGʼIM-FАXRIM” mavzusida viktorina oʼtkazdi. Gʼoliblar “ Yoriq” MFYning faxriy yorliqlari va esdalik sovgʼalari bilan taqdirlandilar.Tadbir badiiy qismga ulanib ketdi, badiiy qismda Oʼrta Chirchiq tumani badiiy havaskorlari va 15-maktab badiiy toʼgaraklarining ishtirokchilari hamda Oʼrta Chirchiq tumani ixtisoslashgan sport maktabi sportchi yoshlari oʼz chiqishlari bilan yigʼilganlarni xushnud qildilar. Tadbirda oʼzbek, qozoq, rus, ingliz tillarida kuy, qoʼshiqlar ijro etib, sheʼrlar oʼqildi. Tadbir juda koʼtarinki ruhda va yuksak saviyada oʼtkazildi.
TIQXMMI matbuot xizmati