2021-yil 23-aprelda institumizga Moskva davlat pedagogika universiteti Filologiya instituti “Rus tilidan dars berish metodikasi” kafedrasi mudiri, pedagogika fanlari doktori, professor Yanchenko Vladislav Dmitriyevich tashrif buyurdi. Yanchenko V.D. bilan “Suv xo‘jaligini tashkil etish va boshqarish” fakulteti “O‘zbek tili va adabiyoti” kafedrasi professor-o‘qituvchilari hamda fakultet talabalari uchun master klass o‘tdi. Dars turli o‘yinlarga boy, topishmoqlar, bosh qotirmalar asosida o‘tildi. Talabalar va professor-o‘qituvchilar uchun foydali, qiziqarli bo‘ldi. Yanchenko V.D. bilan o‘zaro hamkorlik to‘g‘risidagi og‘zaki suhbat “O‘zbek tili va adabiyoti” kafedrasi professor-o‘qituvchilari bilan davom ettirildi. Suhbat davomida professor-o‘qituvchilarning malaka oshirish, birgalikda o‘quv qo‘llanma va uslubiy ishlanmalar yaratish, PhD tayyorlash kabi juda muhim masalalar bo‘yicha og‘zaki kelishuvlarga erishildi.

TIQXMMI matbuot xizmati