Oʻzbekiston Respublikasi Qurolli Kuchlari tashkil etilganligining 27 yilligi hamda Vatan himoyachilari kunini nishonlashga tayyorgarlik koʻrish va oʻtkazish chora-tadbirlari toʻgʻrisida»gi Oʻzbekiston Respublikasi Prezidenti tomonidan, joriy yilning 13 dekabr sanasidagi R-5413 Farmoyishida belgilab berilgan vazifalarning ijrosini sifatli taʼminlash, shuningdek, Oʻzbekiston Respublikasi Qurolli Kuchlari tashkil etilganligining 27 yilligi hamda Vatan himoyachilari kunini munosib kutib olish va uni umumxalq bayrami sifatida keng nishonlash, yoshlar bilan “Vatan muqaddas, uni himoya qilish sharafli burchdir!” degan umumiy gʻoya ostida tadbirlar tashkil etilmoqda.
Jumladan, Respublika Maʼnaviyat va maʼrifat markazi Yunusobod tumani boʻlinmasi bilan hamkorlikda harbiy tayyorgarlik oʻquv boʻlinmasi professor-oʻqituvchilari taʼlim muassasalariga tashrif buyurib, u yerdagi yoshlar bilan davra suhbati olib bordilar. Yunusobod mashinasozlik kasb-hunar kollejida tashkil etilgan davra suhbatida harbiy kafedra katta oʻqituvchisi rezervdagi podpolkovnik Ergashev Xaydar Ikramovich va harbiy kafedra zirxli texnikalarni jangda qoʻllanishi sikl talabalari institut va shahar miqyosida oʻtkazilgan sport musobaqalari hamda fan olimpiadalari sovrindorlari, talabalar Raxmanov Xabibullo Abdulla oʻgʻli, Abdumajidov Erali Begali oʻgʻli shuningdek, Oʻzbekiston Respublikasi Qurolli Kuchlari safida muddatli harbiy xizmatni oʻtab, imtiyoz asosida oliy taʼlim muassasasining talabalar safidan oʻrin olgan talaba Abdumannonov Akmal Anvarovichlar qatnashdilar.
Davra suhbati davomida oʻquvchilarga harbiy vatanparvarlik ruhidagi videoroliklar va taqdimot materiallari namoyish qilindi. Oʻquvchilar orasida Singapurda oʻtkazilgan qoʻl jangi sanʼati musobaqasi gʻolibi 3-kurs oʻquvchisi Salimov Abdumalik Gʻolibjon oʻgʻli, shahar miqyosida oʻtkazilgan musobaqalarda faol ishtirok etib sovrinli oʻrinlarni egallagan 2-kurs oʻquvchisi Ergashev Abduraxmon Bobur oʻgʻli tomonidan tadbir tashkilotchilariga berilgan savollar suhbatning yanada qiziqarliroq tus olishini taʼminladi.
Toshkent irrigatsiya va qishloq xoʻjaligini mexanizatsiyalash muxandislari instituti harbiy kafedrasi boshligʻi podpolkovnik R. Minlishev axboroti
Institut Matbuot kotibi Rahimboy Jumaniyozov