Michigan universitetining 2 bosqich talabasi Meychin Ju TIQXMMIda onlayn stajirovka o‘tashni boshladi. Stajirovka institutning Geodeziya va geoinformatika kafedrasi bazasida olib boriladi va unga Xalqaro hamkorlik bo‘limi boshlig‘i Sh.Raxmonov rahbarlik qiladi. Stajirovka davomida GAT texnologiyalarini turli sohalarda qo‘llanish jarayoni bilan tanishtirib boriladi va maydan avgust oyigacha davom etadi. Shuningdek, Meychen Juning bo‘sh vaqtlarini samarali foydalanish uchun o‘zbek tilini o‘rganish tavsiya etildi. Shu bois, AQShlik stajyorga Xorij fuqarolarni o‘qitish markazi yetakchi o‘qituvchisi M.Gubaeva o‘zbek tilini o‘qitish uchun tayinlandi. Demak, michiganlik talaba institut bazasida stajirovka o‘tish bilan birgalikda o‘zbek tili va madaniyatini ham o‘rganishni boshladi.

Ma'lumot uchun: Michigan universiteti AQShning yetakchi universitetlaridan biri bo‘lib, QS xalqaro universitetlar reytingida 24 o‘rinni egallagan. Unda o‘rtacha 46 000 nafar talaba tahsil oladi. Michigan universiteti Ilmiy tadqiqot universitetlar ichida AQShda yetakchi hisoblanadi.

TIQXMMI matbuot xizmati