Yer resurslarini boshqarish fakultetiga dekan tayinlandi.
Institut rektorining buyrugʻiga koʻra Yer resurslarini boshqarish fakultetiga dekan vazifasini bajaruvchi lavozimiga Narbayev Sharofiddin Kengeshovich tayinlandi. U 2011 yildan buyon dekan lavozimida ishlab kelayotgan Muqimov Zarif Majlisovich boshqa lavozimga oʻtishi munosabati bilan, uning oʻrnida 2019 yil 3 yanvardan ish boshlaydi. Sharofiddin Narbayev 1977 yilda tugʻilgan. 2003 yil Toshkent irrigatsiya va qishloq xoʻjaligini mexanizsiyalash muhandislari institutini tamomlagan. Maʼlumoti boʻyicha mutaxassisligi muhandis-yer tuzuvchi. Iqtisodiyot fanlari boʻyicha falsafa doktori (PhD). U shu kungacha Yer resurslarini boshqarish fakulteti tarkibidagi “Davlat kadastrlari” kafedrasida dotsent vazifasini bajaruvchi laovzimida faoliyat koʻrsatib kelayotgandi.
Suv xoʻjaligini tashkil etish va boshqarish fakulteti dekani oʻzgardi
Institut rektorining buyrugʻiga koʻra Suv xoʻjaligini tashkil etish va boshqarish fakultetiga dekan vazifasini bajaruvchi lavozimiga Muqimov Zarif Majlisovich tayinlandi. U 2017 yildan buyon dekan vazifasini bajaruvchi lavozimida ishlab kelayotgan Kucharov Olimjon Ruzimurotovich boshqa ishga oʻtishi munosabati bilan, uning oʻrnida 2019 yil 3 yanvardan ish boshlaydi. Zarif Muqimov 1972 yilda tugʻilgan. 1995 yil Toshkent irrigatsiya va qishloq xoʻjaligini mexanizsiyalash muhandislari institutini tamomlagan. Maʼlumoti boʻyicha mutaxassisligi muhandis-iqtisodchi. Iqtisodiyot fanlari nomzodi. U shu kungacha Yer resurslarini boshqarish fakulteti dekani laovzimida faoliyat koʻrsatib kelayotgandi.
Qishloq xoʻjaligini mexanizatsiyalash fakulteti dekani tayinlandi
Institut rektorining buyrugʻiga koʻra 2019 yil 3 yanvardan Qishloq xoʻjaligini mexanizatsiyalash fakulteti dekani vazifasini bajaruvchi lavozimida Qoʻziyev Ulugʻbek Tadjiyevich ish boshlaydi. 2017 yildan buyon dekan vazifasini bajaruvchi lavozimida Farmonov Erkin Tolibovich ishlab kelayotgandi. 2018 yil 9 iyuldan Erkin Farmonov boshqa ishga oʻtishi munosabati bilan, mazkur lavozimda dekan oʻrinbosari Ulugʻbek Qoʻziyev dekan vazifasini vaqtincha bajaruvchi sifatida ham ish olib borgan. Ulugʻbek Qoʻziyev 1981 yilda tugʻilgan. 2006 yil Toshkent irrigatsiya va melioratsiya institutini tamomlagan. Maʼlumoti boʻyicha mutaxassisligi muhandis-mexanik, dotsent.