Teatrning ibrat ekanligini e'tirof etgan Mahmudxo'ja Behbudiy bu san'atning ommaviyligini ham nazarda tutgani sir emas. Bugungi kunda iqtidorli yoshlarning iste'dodi va ijodkorlik qobiliyatlarini namoyish etish borasidagi harakatlardan biri "Yoshlar festivali" doirasida o'tkaziladigan ko'rik-tanlovlardir. Ana shulardan biri talabalarnjng teatf studiyasidir. Mashhur adiblarning asarlari asosida spektakl tayyorlash ham mashaqqatli. Institutlarda tahsil olayotgan bir guruh iste'dodli talabalarning san'atkorlkk mahoratini namoyish etizh uchun teatr studiyalarining chiqishlari mana ikkinchi yildirki, davom etmoqda. Institutimizda  uchta ta'lim muassasasining talabalari o'z mahoratlarini  namoyish etish uchun to'planishdi. 
     Hakamlar hay'ati a'zolari Muqimiy nomidagi musiqali va drama teatrining mahoratli aktrisasi Muqaddas Mamadaliyeva, O'zbekiston davlat drama teatrining rejissori G'afur Mardonov, "Imkon" teatr studiyasi rejissori Jasur To'ychiboyev va hay'at raisi sifatida kamina ishtirok etdilar.
    Qur'a tashlash amalga oshirilgandan keyin dastavval, Toshkent to'qimachilik va yengil sanoat institutining talabalar teatr studiyasi sahnaviy ko'rinishlari bilan chiqish qilishdi. Atoqli adib Erkin Vohidovning "Ikkinchi tumor" asari asosida  spektakl namoyish etishdi. Toshkent davlat texnika universiteti talabalaridan Jamoliddin Ibrohimov va Doniyor Ravshanovlar tomonidan yaratilgan "Xudkush" nomli spektaklni namoyish etishdi.  
     So'ngra Kimyo texnologiyalari institutining talabalar teatr  studiyasi Abdurashid Nurmurodovning "Qonli yo'rgaklar" asati asosida "Yodim siniqlari" dostoni asosida sahnalashtirilgan spektaklini namoyish etishdi. 
     Har uchala teatr studiyasi jamoasining aktyorlik mahorati kucli. Ularning teatr va sahnani sevishi rol ijro etishlardanoq sezilib turibdi.  Har kimning o'z qiziqishi, hobbisi bo'ladi. Uchala institut talabalarining teatr studiyalati qanday o'rinlarni egallashganin bayon qilamiz. Toshkent to'qimachilik va yengil sanoat institutining "Nihol" jamoasi 3 - o'rinni, TDTI ning "Texnika yulduzlari" jamoaasi 2 - o'rinni, Toshkent kimyo texnologiya institutining "Kimyogar" jamoasi 1 - o'rinni egalladi. G'alaba muborak bo'lsin deb qolamiz.

                                      

Institut matbuot kotibi Rahimboy Jumaniyozov