Munosib taqdirlov
Har bir ta’lim muassasasida o‘zining shijoati va ilmiy salohiyati bilan e’tiborga molik ustozlar bo‘ladi. Ularning mehnatlari, ilm-ma’rifat va ta’lim sohasida chekkan zahmatlarini munosib taqdirlash hukumatimiz tomonidan yaxshi yo‘lga qo‘yilgan. Chunki mukofot va unvonlar duch kelgan kishiga, kimningdir xohishiga qarab emas, balki qilgan ishiga, yutuqlariga qarab beriladi.
Ta’lim muassasamizda o‘zining xizmatlari, tinimsiz faoliyati va erishgan yutuqlari bilan alohida ajralib turgan ikkita ustozni institutimizning Birinchi prorektori Bahodir Suyunovich Mirzaev samimiy tabriklari bilan qutladi. Bugungi Rektorat kengashida dastavval, akademik Mirziyod Mirsaidov Prezidentimiz qaroriga muvofiq "Do‘stlik" ordeni bilan mukofotlandi. Shuningdek, prorektor Tohir Sultonov O'zbekiston Respublika Innovatsion rivojlanish vazirligining "Innovatsion g'oyalar yetakchisi" nominatsiyasi bo‘yicha ko'krak nishoni bilan taqdirlandilar
Ustozlarni ushbu yuksak mukofot bilan chin dildan tabriklaymiz va kelgusi faoliyatlariga ulkan omad va zafarlar tilab qolamiz..
TIQXMMI matbuot xizmati