Vatan himoyasi - muqaddas burch
Ushbu qutlugʼ ayyom tom maʼnodagi umumxalq bayramiga, azaldan xalqimizga xos boʼlgan vatanparvarlik, mardlik va jasurlik kabi yuksak fazilatlar timsoliga aylanib borayotgani barchamizni quvontiradi.
14-yanvar erta tongdan Institut Yoshlar yetakchisi jamoasi institutda taʼlim olib kelayotgan talabalarni hamda professor-oʼqituvchilarni bayram bilan tabriklash maqsadida, institutimizning asosiy kirish qismida bayram shukuhini yaratishdi.
Faol talaba qizlarimiz yigitlarni bayram bilan qutlashda noodatiy yondashib, barcha qizlarimiz harbiy kiyimlarda, chiroyli koʼrinishda ishtirok etishdi. Аlbatta, bunday Fleshmoblar talabalarning kayfiyatini koʼtarishga, bayramona kayfiyat ulashishiga xizmat qiladi.
Eʼtiborga molik jihati, nafaqat talabalar barcha prorektorlar, Fakultet dekanlari, jamoat tashkilotlarining maʼsullarini ham ushbu bayram bilan qutlab barcha Ustozlarga bayram kayfiyati ulashildi. Hurmatli Ustozlar va qadrli talabalar bayram muborak boʼlsin.
TIQXMMI matbuot xizmati