Maktabdagi muhim muloqot
"Gidromelioratsiya" fakulteti “Gidrologiya va gidrogeologiya” kafedrasi professor-o‘qituvchilari D.V.Nazaraliev, S.E.Nurjanov, Sh.B.Akmalov, Q.Sh.Eshquvatov, S.R.Mansurov, I.M.Ro‘ziev, J.Hamraqulovlar Toshkent viloyati O‘rtachirchiq tumani 56-maktabning 10-11 sinf o‘quvchilari bilan uchrashuv o‘tkazishdi. Uchrashuvda kafedradagi mavjud yo‘nalishlar bo‘yicha ma’lumotlar berilib talabalikka qabul qilingan o‘quvchilarning imkoniyatlari to‘g‘risida ham ma’lumot berildi.
Bunda institutning chet davlatlar bilan o‘zaro hamkorlik shartnomalari va memorandumlari mavjudligi yaxshi natijalarga erishgan talabalar shu davlatlarda o‘qishni davom ettirish, shu bilan birgalikda ikki tomonlama diplomlarga ega bo‘lish imkoniyati mavjudligi to‘g‘risida so‘z yuritildi. Shundan keyin o‘quvchilar bilan savol javob o‘tkazilib faol ishtirok etgan o‘quvchilar kafedra professor-o‘qituvchilari tomonidan esdalik sovg‘alari bilan taqdirlanishdi.
TIQXMMI matbuot xizmati