QS Worldwide konferensiyasi bo’lib o’tdi
Joriy yilning 19-20 sentabr kunlari Qozogistonning Al-Farobiy nomidagi Qozoq milliy universitetida "Global mashhurlikka sayohat: insoniy meros uyg'unligi va ilg'or texnologiyalar" deb nomlangan QS worldwide-2019 konferensiyasi bo'lib o'tdi.
Tadbirga tashrif buyurgan, Qozog'iston Respublikasi Bosh vazirining o'rinbosari Berdibek Saparbayev, Olmaota hokimi Baqitjan Sagintayev, BMT, UNESCOning xalqaro tashkilotlari vakillari, dunyoga taniqli olimlar hamda dunyoning 40dan oshiq mamlakatidan kelgan oliy ta'lim sohasidagi ekspertlar universitetlarning nufuzini oshirish, global inson kapitalini shakllantirishda universitetlarning roli masalalarida muzokaralar olib bordilar. Mazkur tadbirda institutimizning Ilmiy ishlar va innovatsiyalar bo’yicha prorektori T.Sultanov hamda Xalqaro reyting faoliyatini monitoring qilish bo’limi boshlig’i G’.G’oziyevlar ham ishtirok etdilar.
Tadbirni Berdibek Saparbayev Bosh vazir Askar Mamin nomidan tabrik nutqini o'qish bilan boshladi. Tabrik nutqida “Bugungi kunda mamlakatda ta'lim tizimi, fan va universitetlarning raqobatdoshligini oshirish muammolari hal etilayotganligi, ularga akademik mustaqillik berilayotgani va ushbu chora-tadbirlarning barchasi universitetlarning ilmiy, o'quv, texnologik va gumanitar sohalarni rivojlantirishdagi ta'sirini kuchaytirishga qaratilgani takidlab o’tildi. Konferensiya o’z ishini 4 ta sho’bada olib bordi va ularga dunyoning turli joylaridan tashrif buyurgan tajribali ekspertlar jalb etildi.
Tadbirning ikkinchi kunida Ozbekistondan tashrif buyurgan oliy talim muassasalari vakillar QS kompaniyasining vitse prezidenti Ben Sowter bilan uchrashishdi. Uchrashuv davomida Elsevier kompaniyasining Markaziy Osiyo bo’yicha direktori Aliya Ospanova ham so’zga chiqib yaqin ikki yilda O’zbekistonda amalga oshirilgan aynan ilmiy sohani rivojlantirishga qaratilgan chora tadbirlar bilan Ben Sowterni tanishtirdi. Shuningdek QS kompaniyasing mintaqaviy direktori Zoya Zaitseva QS reyting tizimida O’zbekiston OTMlaringing o’rni va amalga oshirilgan ishlar to’g’risida batafsil gapirib o’tdi.
Navbatdan tashqari o’tkazilgan mazkur tadbirda QS kompaniyasing konsultanti Dr.Shadi Hijazi taqdimot qilib, QS ning turli reytinglaridagi ko’rsatkichlari bilan tadbirga yig’ilganlarni tanishtirib o’tdi. Mazkur yuqori darajada tashkil etilgan tadbir xalqaro reytinglarda o’z o’rnini topmoqchi bo’lgan OTM lar uchun juda katta tirgak vazifasini o’tab berdi. Aytish joiz bo’lsa, konferensiyaga jalb qilingan QS WURda bir necha yillardan buyon o’rin olib kelayotgan universitetlar bilan tajriba almashish maydoniga aylandi.
Institut Matbuot xizmati rahbari Rahimboy Jumaniyozov