Koʻrgazma – natijalar nishoni
Natija va samaralarimizni bilish va tanishish uchun albatta, koʻrgazmalarga tashrif buyurishning hikmati katta. U yangi rejalarga turtki boʻlishi ham mumkinligini bilganlar albatta, bu mulohazaga befarq qarashmaydi. Joriy yilning 21 – 23 noyabr kunlari “Oʻzekspomarkaz”da “UzAgroExpo – 2018” 14 – xalqaro koʻrgazmasi tashkil etildi. “Qishloq xoʻjaligini mexanizatsiyalash” fakulteti QXM kafedrasi assistenti B.Sarmisokov, “MF va T” kafedrasi dotsenti E. Farmonov, UTF kafedrasi assistenti N. Abdiyev hamda “T va A” kafedrasi assistenti A.Bozorboyev, fakultet Xotin – qizlar qoʻmitasi raisasi N. Xoliqovalar rahbarligida fakultet talaba – yoshlari bilan koʻrgazmada ishtirok etib kelishdi. Koʻrgazma bevosita qishloq xoʻjaligi sohasi yoʻnalishida boʻlganligi uchun talabalarning ishtiroki ularga yangi bilim va yangi gʻoya bergan boʻlsa ajab emas. Bu koʻrgazma talaba – yoshlarda qishloq xoʻjaligi sohasida yangi gʻoyalar, innovatsiyalar yaratishga chuqur fikrlashga undashini inkor etish qiyin. Koʻrgazmadan talabalarimiz juda katta taassurotlar bilan qaytishdi.
QXM fakulteti yoshlar bilan ishlash boʻyicha dekan oʻrinbosari I.Raximov axboroti
Institut Matbuot kotibi Rahimboy Jumaniyozov