Maktablar bilan hamkorlik
2021- yil 27-yanvar kuni Toshkent shahar Yunusobod tumanidagi 12-oʼrta taʼlim maktabida “Suv xoʼjaligini tashkil etish va boshqarish” fakulteti dekani R. Xakimov boshchiligida “Iqtisodiyot” kafedrasi mudiri B. Sultonov, “Menejment” kafedrasi dotsenti B. Shafkarov, “Yoshlar bilan ishlash boʼyicha” dekan oʼrinbosari J. Turdiev hamda “Iqtisodiyot” kafedrasi assistenti Q. Nosurullaevlar hamrohligida yuqori sinf oʼquvchilari bilan uchrashuv oʼtkazildi. Uchrashuvda fakultet dekani R. Xakimov oʼquvchilarni institut faoliyati, taʼlim yoʼnalishlari, talabalar uchun yaratilgan shart-sharoitlar bilan tanishtirdi. Institutga biriktirilgan maktab bilan kelajakda oʼrnatilgan hamkorlik yuzasidan oʼquvchilar uchun maxsus ochiq darslar tashkil etish, maktab oʼqituvchilarini darslarni tashkil etish borasida uslubiy yordamlar berish hamda oʼquvchilarni Institut bilan tanishtirish maqsadida tashriflar tashkil etish borasida kelishib olindi.
TIQXMMI matbuot xizmati