Navro‘z - milliy qadriyat
2018 yil 16 mart kuni Toshkent irrigatsiya va qishloq xo‘jaligini mexanizatsiyalash muhandislari instituti 4-sonli talabalar turar joyida “Gidromelioratsiya fakulteti”, “Tuproqshunoslik va dehqonchilik” kafedrasi o‘qituvchi xodimlari “Navro‘z va milliy qadriyatlarimiz” mavzusida davra suhbati o‘tkazishdi.
“Tuproqshunoslik va dehqonchilik” kafedrasi mudiri Obid Xaqberdiyev barcha talabalarni o‘lkamizga kirib kelgan qadimiy umumxalq milliy bayramimiz - Navro‘zi-ayyom bilan tabrikladi. “Navro‘z” - yurtimizda mo‘l-ko‘lchilik, tinchlik-osoyishtalikning vositasidir.
Ushbu ayyom davomiyligida mamlakatimizning barcha o‘quv muassasalarida, korxona, tashkilotlarida tashkil etilayotgan bayram shodiyonalarida xalqimiz ardog‘ida bo‘lgan madaniyat, sport, san’at, adabiyot va boshqa soha ustalari ishtirokida ma’naviy-ma’rifiy tadbirlar o‘tkazilayotganini tushuntirdi.
4 –TTJ tarbiyachi-pedagogi Javlonbek Qutlimurotov axboroti
Institut matbuot kotibi Rahimboy Jumaniyozov