TOSHKENT IRRIGATSIYA VA QISHLOQ
XO'JALIGINI MEXANIZATSIYALASH
MUHANDISLARI INSTITUTI

GEOINFORMATIKA BO’YICHA HALQARO AN’ANAVIY GI 2021  KONFERENSIYASI

"Geoaxborot tizim va texnologiyalari orqali barqaror rivojlanishni qo’llab-quvvatlash" 27-29 yanvar, 2021 yil

Toshkent irrigatsiya va qishloq xo’jaligini mexanizatsiyalash muhandislari instituti, Toshkent, O’zbekiston.

AXBOROT XATI

Har yili o'tkazilib kelinayotgan Geoinformatika bo’yicha GI 2021 konferensiyasi 2021 yilning 27-29 yanvar kunlari Toshkent shahrida bo'lib o'tishi rejalashtirilgan navbatdagi konferensiya uchun maqolalar qabul qilishning so’nggi muddati boshlanganini e’lon qiladi. Ushbu anjumanning asosiy vazifalari ijtimoiy-ekologik tizimlar bo’yicha faoliyat yuritayotga olimlarini tarmoqlararo geofazofiy doktorantura va ilmiy tadqiqotlariga yo'naltirish, shuningdek, Geoinformatika sohasida faoliyat olib borayotgan professor-o‘qituvchi va doktorantlarning xalqaro miqyosdagi jamiyatlarga jalb etilishini kengaytirish, OTM va ITMlarning xalqarolashuvini kuchaytirishdan iborat.

2021 yilda GI konferensiyasi "Geoaxborot tizim va texnologiyalari orqali barqaror rivojlanishni qo’llab-quvvatlash" mavzusiga qaratilgan. Geografik axborot fani nazariy asos sifatida, Geoinformatika metodologiya sifatida va GAT dasturiy texnologiyalar sifatida axborotni turli manbalar orqali joylashtirish uchun kuchli vositalardir. Bu bizning muhit va tabiiy resurslarimiz, iqtisodiyotimiz va oxir-oqibat jamiyatimizni muvaffaqiyatli boshqarish uchun zarur bo'lgan narsadir.

Konferensiyaning asosiy mavzulari:

• mintaqaviy barqaror rivojlanishda GAT;
• fazoviy ma'lumotlar infratuzilmasini rivojlantirish;
• atrof-muhitni muhofaza qilish sohasini boshqarishda GAT;
• favqulodda vaziyatlarning oldini olish va bartaraf etishda GAT;
• suv resurslarini boshqarishda GAT;
• qishloq xo'jaligida GAT;
• geodeziya, kadastr va yer tuzish sohasidagi yangi tendensiyalar va texnologiyalar;
• geoinformatika sohasida kasbiy va masofaviy ta’lim;
• gidrotexnika qurilishi va melioratsiya sohasida GAT;
• qishloq va suv xo'jaligini mexanizatsiyalash va avtomatlashtirishda GAT.

GI 2021 konferensiyasi Toshkent irrigatsiya va qishloq xo’jaligini mexanizatsiyalash muhandislari instituti (TIQXMMI) tomonidan Erasmus+ DSinGIS loyihasi doirasida quyidagi loyiha hamkorlari bilan hamkorlikda tashkil etiladi:

O‘zbekiston Respublikasi Vazirlar Mahkamasi huzuridagi Oliy attestasiya komisiyasi (OAK), O‘zbekiston

O‘zbekiston Respublikasi Oliy va o‘rta maxsus ta'lim vazirligi (OO’MTV), O‘zbekiston

O‘zbekiston Respublikasi yer resurslari, geodeziya, kartografiya va davlat kadastri davlat qo‘mitasi (O’zyergeodezkadastr), O‘zbekiston

Obuda universiteti (OU), Vengriya

Zalsburg universiteti (PLUS), Avstriya

Leybniz O‘tish davri iqtisodiyoti mamlakatlarida qishloq xo‘jaligini rivojlantirish instituti (IAMO), Germaniya

Mirzo Ulug‘bek nomidagi O‘zbekiston Milliy universiteti (O‘zMU), O‘zbekiston

Berdaq nomidagi Qoraqalpoq davlat universiteti (QDU), O‘zbekiston

Samarqand davlat arxitektura-qurilish instituti (SamDAQI), O‘zbekiston

Toshkent arxitektura qurilish instituti (TAQI), O‘zbekiston

GI konferensiyalari Erasmus+ DSinGIS loyihasi hamkorlari tomonidan tashkil etilib hamda boshqarib kelinadi. Konferensiya Geoinformatika sohasi bo’yicha faoliyat yurituvchi tashkilotlardan qo'shimcha homiylikni kutib qoladi.

Konferensiya hay'ati yuqorida keltirilgan anjuman mavzulariga oid ingliz, rus va o’zbek tillaridagi ilmiy maqolalarni qabul qiladi. Konferensiyada ilmiy maqolaning taqdimoti (prezentatsiya) yoki poster bilan faol ishtirok etish mumkin. Taqrizdan o’tgan va konferensiyaga qabul qilingan eng yaxshi (faqat ingliz tilidagi) ilmiy maqolalar Scopus xalqaro bibliografik va abstrakt ma'lumotlar bazasiga kiritiladigan konferensiya to’plamida chop etiladi (https://www.e3s-conferences.org/). Shuningdek, tanlab olingan boshqa (ingliz, rus va o’zbek tillaridagi) ilmiy maqolalar konferensiya to’plamida chop etish uchun tavsiya etiladi.

Konferensiyada ishtirok etmoqchi bo’lganlar poster yoki taqdimot (prezentatsiya) uchun ilmiy maqolalarini topshirishga taklif qilamiz. Konferensiya ilmiy kengashi qatnashchilarining ilmiy maqolalarini taqrizdan o’tkazish orqali tanlab oladi va taqdimot uchun tavsiya qiladi.

Ushbu axborot xatini Geoaxborot tizim va texnologiyalari bo’yicha qiziqqan barcha professor-o'qituvchilar, tadqiqotchilar, talaba va magistrantlar hamda mutaxassislarga tarqatishingizni so'rab qolamiz. Maqolalarni qabul qilish 2020 yilning 1 iyuliga qadar amalga oshiriladi va mazkur muddat boshqa uzaytirilmaydi. Bir nafar muallifdan ko'pi bilan ikkita maqola qabul qilinadi. GI 2021 dan ro'yxatdan o’tish, konferensiya dasturi va viza olish tartiblari haqida barcha ma'lumotlarni konferensiyaning quyidagi rasmiy sahifasi orqali olishingiz mumkin: http://geo.amk.uni-obuda.hu/gi2020/.  

Maqolalarni rasmiylashtirish tartib-qoidalari

Iltimos, avval nashr etish etikasi bilan batafsil tanishib chiqing. (Elsevier tavsiyalari va COPEning jurnal muharrirlari uchun eng yaxshi amaliy qo'llanmalari). Taqdim etilgan maqolalar maxsus plagiat dasturida tekshiriladi va har qanday etik qoidabuzarlik jiddiy ko'rib chiqiladi.

Iltimos, ishingizni tashkil etishda IMRAD modelidan foydalaning. Maqolaning quyidagi qismlari majburiy hisoblanadi:

Sarlavha (maqolaning nomi)

Sarlavha 7ta so’zdan oshmasligi lozim (bog’lovchi, birikma va artikllarni hisobga olmagan holda).

Sarlavha fe’llardan iborat bo’lmasligi lozim.

Sarlavhada quyidagi so’zlar ishtirok etmasligi lozim: analysis, research, study, to the question, new, problems, questions, some, features, special, from the point of view, application, search, definition, modern, current, solution, best, most / least profitable, optimum, most va boshqa shu kabi so’zlar.

Annotatsiya

Annotatsiya maqolaning o’zisiz uni namoyon qilib berishi lozim.

Annotatsiya maqola kabi bir xil tuzilishga ega bo’lishi va muammoning dolzarbligi, maqsad, usullar, natijalar, xulosalardan iborat bo’lishi kerak. Annotatsiya 200-250 ta so’zlardan iborat bo’lishi lozim.

Kirish

Ushbu bo’limda ishning maqsadi va uning kelib chiqishi haqida ma'lumotlar bo'lishi kerak. Bu adabiyotlarni ko'rib chiqishga asoslangan bo'lishi zarur. Adabiyotlarni ko'rib chiqishda o'zingizning mintaqangiz va uning asosiy mualliflari va asarlariga tegishli vakolatlarni ko'rsatishingiz kerak. Shu bilan birga, siz barcha mumkin bo'lgan havolalarni emas, balki faqatgina sizning mavzuingiz bilan chambarchas bog'liq bo'lganlarini keltirishingiz lozim. Tavsiya etilgan adabiyotlar soni 5-10ta.

Metodlar

Ushbu bo'limda tajriba qilish  tafsilotlari va natijalarni olish metodlari (usullari) ko'rsatilishi kerak.

Natijalar

Ushbu bo’limda zarur bo'lgan hollarda raqamlar va jadvallar yordamida ma'lumotlarni aniq va lo’nda taqdim etish kerak.

Muhokama

Ushbu bo'limda natijalar orqali ko'rsatilgan munosabatlar va umumlashtirish tavsiflangan bo'lishi kerak va oldin nashr qilingan ishlar bilan taqqoslash natijalarining ahamiyati haqida so'z yuritilishi lozim.

Xulosalar

Bu yerda asosiy xulosalar ro’yxati taqdim etiladi. Bu natijalarni takrorlamasligi, balki umumlashtirishi lozim.

Minnatdorchilik

Bu yerda shaxsiy minnatdorchiliklar, shuningdek moliyalashtirish to'g'risidagi ma'lumotlar keltirilishi lozim.

Foydalanilgan adabiyotlar

Adabiyotlar ro'yxati maqolaning eng muhim qismlaridan biri ekanligini yodda tutish zarur. Siz o'zingizning ilmiy ishingiz bo’yicha qilingan ishlarni va uning asosiy mualliflari hamda asarlarini ko'rsatishingiz kerak. Shu bilan birga, siz majvud barcha havolalarni emas, balki faqatgina mavzuingiz bilan bog'liq bo'lgan havolalarni keltirishingiz lozim.

Tavsiya etilgan adabiyotlar soni 20 ta.

Iqtibos etilgan hujjatlar nisbatan yangi, dolzarb va ochiq bo'lishi kerak. Scopus yoki Web of Science ma'lumotlar bazasiga kiritilgan ilmiy nashrlar adabiyotlar ro'yxatining asosiy qismini tashkil qilishi kerak. Malumotlar ro'yxati aniqligi tekshiriladi. Havolalar Crossref orqali faqat to'g'ri va to'liq bo'lsagina bog’lanishi mumkin.

2. Iltimos, maqolangizni (6-10 bet) taqdim etilgan namunadan foydalangan holda tayyorlang.
3. Maqolangizni quyidagi electron manzilga yuboring: gi2020conference@gmail.com
4. Konferensiya kengashi tasdiqini kuting.

RO'YXATDAN O’TISH VA TO'LOVLAR

Konferensiyada ishtirok etish uchun konferensiya platformasi https://bit.ly/2XsGjFc orqali yoki konferensiyaning rasmiy veb-sahifasi http://geo.amk.uni-obuda.hu/gi2020/registration.htm orqali ro’yxatdan o’ting. Ro'yxatdan o'tganingizdan so'ng, konferensiyada Zoom platfomasi orqali online qatnashish uchun kirish havolasi (linki) paydo bo'ladi, shuningdek mazkur havola ro'yxatdan o'tish paytida foydalanilgan elektron pochtaga yuboriladi.

Ro'yxatdan o’tish to'lovi ro'yxatga olish stolida (registratsiya) naqd pulda yoki quyidagi bank hisob raqamiga to'lanishi mumkin:

GI 2021 GA RO’YXATDAN O’TISH TO’LOVI MIQDORI

Ro'yxatdan o'tish to'lovi konferensiya to’plamining bir nusxasi, tarqatma materiallar va kofe breykni o’z ichiga oladi, lekin mehmonxonada yashash hamda mahalliy transport uchun to'lovlarni o'z ichiga olmaydi.

Ro'yxatdan o'tish, konferensiya dasturi va vizaga murojaat qilish tartib-qoidalari bo’yicha qo’shimcha ma’lumotlar zarur bo’lsa, GI 2020 konferensiya saytiga yoki kotibiga murojaat qilishingiz mumkin.

Sizni Toshkentda GI 2021 konferensiyasida kutib qolamiz!

GI 2021 konferensiyasi tashkiliy qo'mitasi nomidan:

Konferensiya kotibi: Ilhom Abdurahmanov, ilhom.isakovich@gmail.com

Tel.: +998712371909, Fax: +998712373879

Toshkent irrigatsiya va qishloq xo’jaligini mexanizatsiyalash muhandislari instituti  (TIQXMMI)
Qori Niyoziy 39, Toshkent 100000, O’ZBEKISTON