Zangiota ziyoratgohida
2021-yilning 4-aprel Talabalar turar joyi talabalari TTJ direktori I.Buxorov Talabalar turar joylari kengashi raisi Saidahmedov Jahongir, “Gidromelioratsiya” fakulteti yoshlar yetakchisi A'lobek Xamidovlar boshchiligida Toshkent viloyati Zangiota tumanida joylashgan Zangiota ziyoratgohiga ziyorat uchun tashrif buyurdilar.
Zangiota hazratlari Markaziy Osiyo mintaqasida ІX–XІІ asrlarda yuz bergan birinchi ilmiy-madaniy yuksalish, ya’ni ilk Sharq Uyg‘onish davrining namoyandasi, o‘z zamonida hikmat va ma’naviyat, din va tasavvuf rivojiga katta hissa qo‘shgan mutasavvuf va avliyo bobolarimizdandir. Necha yuz yillardan buyon Zangi ota shaxsiga bo‘lgan qiziqish susaymagan, aksincha, ortib bormoqda.
Talabalar turar joyi talabalari Ramazon oyi kelishi arafasida ezgu tilaklar, duolar qilib Zangiota ziyoratgohidan ziyorat qilib qaytdilar. Muqaddas qadamjolarni ziyorat qilish uchun yoshlarni qo‘llab-quvvatlaganlari uchun institutimiz rahbariyatiga talabalar o‘z minnatdorchiligini bildirishdi.
Talabalar turar joylari kengashi raisi Saidahmedov Jahongir axboroti
TIQXMMI matbuot xizmati