Mutaxassislik tanlashda xalqaro yondashuv
"Gidromelioratsiya" fakulteti “Suv xo‘jaligi va melioratsiya” ta’lim yo‘nalishi 406-guruh talabalari, guruh murabbiyi B.Matyakubov boshchiligida Oliy va o‘rta maxsus ta’lim vazirligi, O‘zbekiston yoshlar ittifoqi tomonidan Toshkent Intercontenantal konferensiyalar zalida tashkil qilingan “Ta’lim va mutaxassislik” mavzusidagi xalqaro ko‘rgazmaga tashrif qilindi.
Ko‘rgazma asosan ta’lim va bandlik yo‘nalishlari bo‘yicha tashkil etilib, unda mahalliy oliy ta’lim muassasalari hamda rivojlangan davlatlardagi nufuzli oliy o‘quv yurtlari va ularning O‘zbekistondagi filiallari, O‘zbekistonda faoliyat yuritayotgan oliy ta’lim muassasalari, xorijda ta’lim olishga ko‘maklashuvchi tashkilotlar, nodavlat ta’lim muassasalari hamda o‘quv kurslari mutaxassislari o‘zlarining tashkiloti bo‘yicha qisqacha ma’lumot berishdi.
Jumladan, talabalar Qozog‘iston Respublikasidagi Nazarbaev Universiteti (Graduate school of busness in Nazarbaev University), A.N.Tupolev nomidagi Kazan miliy texnika universiteti, Rossiya texnologiya universiteti, Istanbul Aydin Universiteti, Mugla Sitki Kochman Universiteti (Turkiya) va boshqa bir qator universitet hamda institutlarda magistraturaga qabul qilish tartibi bo‘yicha to‘liq ma’lumotga ega bo‘lishdi.
Bu ko‘rgazma bakalavr bitiruvchi talabalari uchun kelgusida xalqaro magistratura mutaxassisligi bo‘yicha kasb tanlashlarida katta ahamiyatga ega hisoblanadi.
Institut matbuot xizmati rahbari Rahimboy Jumaniyozov