Maqolalalar yozishda 2-davra suhbati bo‘lib o‘tdi
2019 yil 11 iyun sanasida institutimizning "Oliy matematika" kafedrasi mudiri prof. Xudoyorov Baxtiyor Alimovich ishtirokida Scopus ma’lumotlar bazasidagi jurnallarda ilmiy maqolalar chop ettirish bo‘yicha 2-davra suhbati bo‘lib o‘tdi. Birinchisidan farqli o‘laroq, bu galgi tavsiya ko‘rishida o‘tgan yig‘ilishga "Qishloq xo‘jaligini mexanizatsiyalash" fakulteti hamda "Qishloq va suv xo‘jaligi energiya ta’minoti" fakulteti professor-o‘qituvchilari taklif etildi.
Tajribaga asoslangan holda ustoz, jurnallarga maqolalar taqdim etishda, avvalo har bir olimning sohasiga to‘g‘ri keladigan jurnallarni izlab topishlari, so‘ngra jurnallar talabidan kelib chiqqan holda, kamchiliklarni bartaraf etish bo‘yicha o‘z tavsiyalarini berib o‘tdi. Tadbir qatnashchilariga taqrizchilardan olgan kamchiliklarni bartaraf etganligi haqida taqdimotda namoyish etdi. Davra suhbati savol-javoblarga juda boyligi bilan avvalgisidan ajralib turdi. Navbatdagi davra suhbati "Yer resurslarini boshqarish" fakulteti hamda "Suv xo‘jaligini boshqarish va tashkil etish" fakulteti professor-o‘qituvchilari uchun bo‘lib o‘tadi.
Institut Xalqaro reyting faoliyatini monitoring qilish bo‘limi boshlig‘i G‘.G‘oziev axboroti
Institut matbuot kotibi Rahimboy Jumaniyozov