Abdulla Qodiriy nomidagi ijod maktabiga tashrif
O‘zbek romanchiligining asoschisi, vatanparvar adib Abdulla Qodiriy xotirasiga ehtirom ko‘rsatish, milliy adabiyotimiz rivojiga qo‘shgan beqiyos hissasini ulug‘lash maqsadida O‘zbekiston Respublikasi Prezidenti Shavkat Mirziyoev tashabbusi bilan poytaxtimizning Abdulla Qodiriy nomidagi madaniyat va istirohat bog‘ida ijod maktabi va muzey barpo etilgan. Institutimizning “Qishloq xo‘jaligini mexanizatsiyalash” fakulteti dekani Q.Shavazov, “Qishloq va suv xo‘jaligini energiya ta’minoti” fakulteti dekani A.Isaqov, Yoshlar bilan ishlash bo‘yicha dekan muovini A.Botirov, professor-o‘qituvchilar, magistr va faol talabalar joriy yilning 11-yanvar kuni Abdulla Qodiriy nomidagi ijod maktabi va muzeyiga tashrif buyurishdi. Institut nomidan Abdulla Qodiriy nomidagi ijod maktabiga jami 27 dona badiiy adabiyot taqdim etildi. Ushbu tashrif barcha professor-o‘qituvchilar va talabalarda katta taassurot uyg‘otdi.
“Qishloq va suv xo‘jaligini energiya ta’minoti" fakulteti Yoshlar bilan ishlash bo‘yicha dekan o‘rinbosari Abror Botirov axboroti
Institut matbuot xizmati rahbari Rahimboy Jumaniyozov