Mahalla bilan o’zaro hamkorlikni tashkil qilish
TIQXMMI “Gidromelioratsiya” fakulteti “Gidrologiya va gidrogeologiya” kafedrasi professor o’qituvchilari D.Nazaraliyev, S.Nurjanov, Sh.Akmakov, I.Ro’ziyev, S.Qodirov, Q.Eshquvatov, J.Hamroqulovlar Oʼzbekiston Respublikasi Prezidentining 2021-yil 20-apreldagi PF-6208-sonli farmoni, Oliy va oʼrta maxsus taʼlim vazirligining 2021-yil 29 - apreldagi 202-sonli buyrugʼi ijrosini taʼminlash yuzasidan, 12.06.2021 yilda Toshkent shahar Mirzo-Ulugʼbek tumanidagi “Lashkarbegi” M.F.Y. ga tashrif buyurdilar.
Tashrif davomida “Lashkarbegi” M.F.Y. raisining o’rinbosari Zulfiya Rasuli bilan uchrashildi, mahalladagi bandligi taʼminlanmagan yoshlar soni aniqlandi va ularni roʼyxati shakllantirildi, mahalla yoshlari uchun tadbirkorlik oʼquv kurslari tashkil etish, mahalladagi yoshlarning qiziqishlariga qarab ularni “Ingliz tili” kursi, “Kompyuter savodxonligi” kurslariga jalb etish bo’yicha mahalla hududidagi uylarga e’lonlar tarqatildi. Shundan so’ng mahalladagi keksa yoshli yotib qolganlar uylariga borib ahvolidan xabar olindi.
Bundan tashqari mahalladagi bir nechta yoshlar bilan ham uchrashuv tashkil etildi va ularni qiziqtirgan savollariga javob berildi. Kafedra o’qituvchilari mahalla hududida joylashgan kutubxonaga ham tashrif buyurdilar u yerdagi mavjud adabiyotlar hamda yoshlarni kutubxonadan foydalanishlari haqida ma’lumotlar olindi. Mahalla bilan muntazam ravishda aloqa qilish ishlari kelishib olindi.
TIQXMMI matbuot xizmati