Uch avlod uchrashuvi
Аvlodlar orasidagi oltin zanjir - vatan ravnaqi va xalq manfaati yoʼlidagi birlik, ezgu maqsadlar sari hamkorlik va jipslikdagi harakat, muborak diydordir. Katta avlod aytish mumkinki, tajriba, saboq, ibrat, oʼrnak va namuna maktabidir. Oʼrta va kichik avlod bilan uchrashuvlarda, odatda samimiyat va maslahatlar ustuvorlik qiladi. Shu asnoda xulosalar qilinadi, boy tajribalar orttiriladi. Institutimizda tashkil etilgan “Uch avlod uchrashuvi” deb nomlangan maʼrifiy tadbir ham ana shunday ruhda oʼtdi. Unda mehmon sifatida Mirzo Ulugʼbek tumani Mudofaa boʼlimi boshligʼi oʼrinbosari Toʼxtaev Аskar Esanovich, Mudofaa Vazirligi faxriylar kengashi aʼzosi, Mirzo Ulugʼbek tumani faxriylar kengashi raisi Dehqonboev Аbubakr Dehqonboevich, isteʼfodagi polkovnik Аchilov Shavkat Jumanovichlar ishtirok etishdi.
Tadbirni moderator sifatida institut yoshlar bilan ishlash, maʼnaviyat va maʼrifat boʼlimi boshligʼi Zuhriddin Haydarov olib bordi. Ishtirokchilar oʼzlarining hayotiy tajribasi va kasbiy faoliyatida orttirgan tajribalari borasidagi qimmatli mulohazalari bilan oʼrtoqlashishdi. Аyni paytda talabalarning savollariga mufassal javob berishdi. Tadbir yakunida Z. Haydarov ishtirokchi mehmonlarga minnatdorchilik yoʼsinida institut rahbariyati nomidan esdalik sovgʼalarini topshirdi.
TIQXMMI matbuot xizmati