Dunyo boʻylab sirlashuv
Televideniye xalq hayotining koʻzgusi sifatida ahamiyatlidir. Xalqning dardu tashvishlaridan ogoh qilish vositasi sifatida u qimmatlidir. Televideniyeda faoliyat yurituvchi ijodiy va texnik guruhning teletomoshabinlar bilan uchrashuvi, ijodiy muloqotlarining keng yoʻlga qoʻyilishi ham ijtimoiy hayotimiz uchun keng imkoniyatlarga yoʻl ochadi. “Dunyo boʻylab” telekanali ijodkorlari mana ikki yildirki, bir anʼanaga sodiq boʻlib kelmoqdalar. Bu gal ular Institutimiz talabalari bilan uchrashuv tashkil etishdi.
Joriy yilning 29-mart kuni institutimizga tashrif buyurishib, “Dunyo boʻylab” telekanali “Axborot-tahliliy dasturlar” muharririyatining bosh muharriri Gʻofir Jamolov, “Bolalar va oʻsmirlar dasturi” muharririyatining bosh muharriri, falsafa fanlari doktori Farrux Olimov, “Kinoteatr” telekanali bosh muharriri Abdulhay Ataxodjayev, “Yashil sayyora”, “Turfa olam” kabi koʻrsatuvlarning boshlovchisi Avazxon Hoshimovlar soʻzga chiqib talabalarning qiziqtirgan savollariga javob berishdi.
Prezidentimiz taraqqiyotimizning muhim yoʻnalishlaridan biri sifatida Turizmga alohida eʼtibor berayotganlari sir emas. Aynan Turizm kompaniyasi “Dunyo boʻylab” telekanalining axborot hamkori sifatida ish olib borayotgani ham bejiz emas.
Institut matbuot kotibi Rahimboy Jumaniyozov