Xalqaro yarmarka tashkil etildi
13-15 noyabr kunlari EXPO markaz ko‘rgazmalar majmuasida Turizm davlat agentligi tomonidan tashkil etilgan “Ipak yo‘li turizmi” Toshkent xalqaro yarmarkasi o‘tkazildi. Mazkur anjumanda dunyoning 57 mamlakatlaridan vakillar hamda mahalliy ishtirokchilar qatnashishdi. Jumladan, Toshkent irrigatsiya va qishloq xo‘jaligini mexanizatsiyalash muhandislari instituti yoshlar bilan ishlash bo‘yicha prorektori R.Choriyev boshchiligida institut faoliyatini namoyon etadigan ko‘rgazmali stendlar, bukletlar, videoroliklar va ilmiy ishlanmalar bilan ishtirok etishdi. Professor Sh. Imomov tomonidan ishlab chiqilgan biogaz qurilmasining maketi mehmonlarda ayniqsa, qiziqish uyg‘otib, o‘zlarini qiziqtirgan barcha savollarga batafsil javob oldilar.
Institut matbuot xizmati rahbari Rahimboy Jumaniyozov