Hamkorlikning ilk samarasi
2020-yilning 21-noyabr kuni soat 11:30 da Toshkent irrigatsiya va qishloq xoʼjaligini mexanizatsiyalash muhandislari instituti “Turon bank” АTB Oʼquv xonasida “Turon bank” aktsionerlik tijorat banki oʼrtasida kelishilgan memorandum asosida “Suv xoʼjaligini tashkil etish va boshqarish” fakulteti professor-oʼqituvchilari hamda iqtidorli talabalari uchun oʼquv seminar darslari boshlandi. Seminarda АTB “Turon bank” Chakana xizmatlar departamenti direktori oʼrinbosari Vahobov Eldor Baxtiyarovich bank sohasida, jumladan, АTB “Turonbank”da amalga oshirilayotgan islohotlar, sohaga kiritilayotgan yangiliklar, bank xodimiga qoʼyilayotgan talablar toʼgʼrisida maʼruza qildi. Bank uchun zamonaviy bilimlar bilan qurollangan, xorijiy tillarni mukammal oʼzlashtirgan, axborot texnologiyalarni yaxshi biladigan kreativ fikrlaydigan, tashabbuskor kadrlar kerakligi taʼkidlandi. Seminar qizgʼin bahs va savol javoblar asosida oʼtdi.
TIQXMMI matbuot xizmati