Ikkala adibga bag‘ishlangan hamkorlikdagi tadbir
Baxt shodlik va kuychisi, iqtidorli adib, jamoat arbobi Hamid Olimjoning 110 yilligi hamda O‘zbekiston xalq shoiri Aleksandr Faynberg tavalludining 80 yilligi munosabati bilan institut talabalari va Abdulla Avloniy nomidagi xalq ta’limi rahbarlarini qayta tayyorlash Markaziy instituti rahbariyati bilan o‘tkazilgan ma’naviy-ma’rifiy tadbir ishtirokchilarda katta taassurot qoldirdi. Unda har ikkala adibning hayotiy va ijodiy yo‘li bilan bog‘liq qiziqarli ma’lumotlar berildi. Adiblar hayotidagi davrning ayanchli va suyunchli lahzalari, ular xalq hayotining, orzu-umidlarining ko‘zgusi sifatida ijod qilgani borasidagi savol va javoblar tadbirga tarovat baxsh etdi. Har bir adib o‘z davri voqealariga munosib javob bera olishi bilan xarakterlanib turgani alohida qayd etildi.
Institut matbuot xizmati rahbari R.Jumaniyozov