“Gʻoyamiz - himoyamiz”
“Oʻzbekiston Respublikasi Qurolli Kuchlari tashkil etilganligining 27 yilligi hamda Vatan himoyachilari kunini nishonlashga tayyorgarlik koʻrish va oʻtkazish chora-tadbirlari toʻgʻrisida»gi Oʻzbekiston Respublikasi Prezidenti tomonidan, joriy yilning 13 dekabr sanasidagi F-5413 Farmoyishida belgilab berilgan vazifalarning ijrosini sifatli taʼminlash, shuningdek, Oʻzbekiston Respublikasi Qurolli Kuchlari tashkil etilganligining 27 yilligi hamda Vatan himoyachilari kunini munosib kutib olish va uni umumxalq bayrami sifatida keng nishonlash, harbiy tayyorgarlik oʻquv boʻlinmasida tahsil olayotgan yoshlarda vatanparvarlik tuygʻularini shakllantirish maqsadida, harbiy tayyorgarlik boʻyicha tahsil olayotgan talabalar bilan “Vatan muqaddas, uni himoya qilish sharafli burchdir!” degan umumiy gʻoya ostida turli xil tadbirlar tashkil etilmoqda va oʻtkazilmoqda.
Harbiy tayyorgarlik boʻyicha tahsil olayotgan talabalar bilan Mudofaa Vazirligi tasarrufidagi 22418 harbiy qismga ekskursiya uyushtirildi va u yerda muhandislik texnikalari, qoʻshinlar sharoitida ishlatiladigan zamonaviy muhandislik asbob-anjomlari, ularning vazifasi, tuzilishi va ishlash tamoyili, bundan tashqari kundalik faoliyatda hamda oʻquv jangovar vazifalarni bajarishda xavfsizlik texnikasiga amal qilish, jabrlanganlarga birinchi tibbiy yordam koʻrsatish tartibi boʻyicha mashgʻulotlar tashkil etildi va oʻtkazildi. Shuningdek, harbiy qismda mavjud oʻqotar qurollar va ularning taktik-texnik tavsiflari, ishlatish tartibi boʻyicha talabalarga yetarli maʼlumotlar berildi, mashgʻulot yakunida harbiy qism mansabdor shaxslari bilan talabalar oʻrtasida harbiy xizmatni oʻtash tartibi boʻyicha suhbat tashkil etildi.
Harbiy qism hududida talabalar bilan muhandislik tayyorgarligi fanidan oʻquv mashgʻulotlari olib borish uchun masʼul shaxslar tomonidan tayyorlangan oʻquv joylari.
Talabalarga harbiy mutaxassislarning mina qidiruv ishlarida foydalaniladigan maxsus kiyimini kiyish tartibi toʻgʻrisida maʼlumotlar berilmoqda.
Talabalarga oʻqotar qurollarning taktik-texnik tavsifi, ulardan foydalanish hamda notoʻliq qismlarga ajratish tartibi toʻgʻrisida maʼlumotlar berilmoqda.
Oʻquv - jangovar, jangovar topshiriqlarni bajarish chogʻida jabrlanganlarga tibbiy yordam koʻrsatish tartibi toʻgʻrisida maʼlumotlar berilmoqda.
Toshkent irrigatsiya va qishloq xoʻjaligini mexanizatsiyalash muxandislari instituti harbiy kafedrasi boshligʻi podpolkovnik R. Minlishev axboroti
Institut Matbuot kotibi Rahimboy Jumaniyozov