Talabamiz bronza medal sohibi
Mamlakatimizda jismoniy tarbiya va sportni ommalashtirish ijtimoiy siyosatning muhim yo‘nalishlaridan biri etib belgilangan.
“JIU-JITSU” sport turi ham dunyoda keng rivojlanib borayotgan zamonaviy yakkakurash turlaridan biridir. Mazkur sport turidan muntazam jahon va qit’a chempionatlari, xalqaro turnirlar o‘tkazib kelinmoqda.
2019 yil 10 - 21 oktyabr kunlari “JIU-JITSU” sport turi bo‘yicha Qog‘og‘istonning Almata shaxrida o‘tkazilgan kattalar va professionallar o‘rtasida KUZ OPEN - 2019 Xalqaro musobaqasida "Gidromeliorativ ishlarni mexanizatsiyalash" fakulteti SXMIM ta’lim yo‘nalishi 2-bosqich 203-guruh talabasi Rustamov Sirojbek 60 kg vazn toifasida bronza medal sohibi bo‘ldi.
Institut matbuot xizmati rahbari Rahimboy Jumaniyozov