Aqlli kutubxona bo‘yicha tajriba
Gottingen universitetining professori Yoxannes Rekkel aqlli kutubxona bo‘yicha tajribasini o‘rtoqlashish uchun tashrif buyurdi. Professor Yo.Rekkel va institutning xalqaro hamkorlik bo‘yicha prorektori A.Salohiddinov, axborot-resurs markazi direktori v.b. M.Axmedova va EkoGAT markazi rahbari A.Pulatovlar bilan TIQXMMIda smart library (aqlli kutubxona)ni joriy etish bo‘yicha muzokaralar olib borishdi. Muzokaralar so‘nggida o‘zaro hamkorlikda ishlash bo‘yicha kelishib olindi.
So‘ngra, institut kutubxona xodimlari va qiziqish bildirgan mehmonlarga aqlli kutubxona yaratilish tarixi, buguni va istiqboli xususida taqdimot taqdim etildi. Taqdimot aqlli kutubxonadan foydalanish tartibi, ma’lumotlar kiritish va ommaga taqdim etish usullari xususida batafsil tushuntirib berildi. Prof. Rekkelning taqdimoti ko‘pchilikning diqqatini tortgani bois, ko‘plab savol-javobga sabab bo‘ldi. So‘nggida kutubxona xodimlari sermazmun taqdimot uchun o‘z minnatdorchiligi bildirishib, esdalik sovg‘a ulashdi.
Institut matbuot kotibi Rahimboy Jumaniyozov