Seminar-trenning
Institutning “Elektr ta’minoti va qayta tiklanuvchan energiya manbalari” kafedrasi tashabbusi bilan 2019 yil 1 - may kuni 7-ma’ruzalar zalida “QSXEA” fakultetining 2-kurs talabalari hamda kafedra magistrantlari ishtirokida Krakov texnologiya universiteti tadqiqotchisi va kafedra professori t.f.d. Tursunov Obidjon Boboqulovichning “Potential for Development of ALTERNATIVE ENERGY in Uzbekistan” mavzusidagi seminar-treningi tashkil etildi.
Seminar-treningni tashkil etishdan maqsad, talabalarga qayta tiklanuvchi energiya manbalari bo‘yicha batafsil ma’lumot berish, shuningdek, t.f.d. prof. O.B. Tursunovning ushbu sohada olib borgan ilmiy-tadqiqot ishlari bilan talabalarni yaqindan tanishtirish. Seminar-trening davomida talabalar o‘zlarini qiziqtirgan savollarga to‘laqonli javob olishdi.
“ET va QTEM” kafedrasi mudiri PhD D.B.Qodirov axboroti
Institut matbuot kotibi Rahimboy Jumaniyozov