Kelajak poydevori
2019 yil 29 noyabr kuni institutimiz professor-o‘qituvchilari B. Sh. Matyakubov va B. M. Raxmanov ishtirokida Uchtepa tumanidagi 197-maktab bitiruvchi sinf o‘quvchilari o‘rtasida davra suhbati o‘tkazildi. Davra suhbatida bitiruvchi o‘quvchilarga institut xaqidagi video rolik namoyish etildi. Fakultetlardagi ta’lim yo‘nalishlari hamda institutda talabalar uchun yaratilgan shart-sharoitlar va chet eldagi institutlar bilan hamkorlikda hozirgi kunda olib borilayotgan islohotlar, institutni dunyoda egallagan reytingi to‘g‘risida tushunchalar berib o‘tildi. Talabalikka qabul qilinishi uchun maktab bitiruvchilari maktabda o‘qilayotgan barcha fanlarni yuqori darajada yanada chuqurroq bilishlari kerakligi ta’kidlab o‘tildi. Davra suhbati so‘ngida savol-javoblardan kelib chiqqan holda ma’lum bo‘ldiki, maktab bitiruvchilarining aksariyati kelgusida TIQXMMIga hujjat topshirishlari bo‘yicha qiziqishini kuchaytirishga erishildi.
“Irrigatsiya va melioratsiya” kafedrasi professori B. Matyakubov axboroti
Institut matbuot xizmati rahbari R. Jumaniyozov