Zamonaviy monitorlar
Innovatsion g‘oyalar va texnologiyalar zamonaviy ta’lim bilan uyg‘unlashgandagina taraqqiyotning mohiyati teranlashadi.
Institutimiz rektorining tashabbuslari bilan barcha fakultetlari o‘quv binolari kirish qismi foyesida zamonaviy monitorlar o‘rnatish yo‘lga qo‘yildi. Bu ish birinchilardan bo‘lib, “Iqtisodiyot va menejment” fakulteti binosida amalga oshirildi.
Uning afzalligi shundaki, unda har bir tashrif buyurgan mehmonlar hamda talabalar fakultetning ta’lim yo‘nalishlari, o‘quv jarayonlariga oid xabarlar, kafedralar faoliyatiga oid yangiliklar bilan tanishib borish imkoniyati bo‘ladi.
Shu bilan birga fakultetning iqtidorli talabalari tomonidan o‘tkazilgan ma’naviy-ma’rifiy tadbirlarni ham yoritib borish imkoni tug‘iladi. Bu tashabbus talabalar va professor-o‘qituvchilar tomonidan qizg‘in qarshi olindi.
“Iqtisodyot va menejment” fakulteti talabalar kengashi sardori Jahongir Saidahmedov axboroti
Institut matbuot kotibi Rahimboy Jumaniyozov