Мактабдаги учрашув
2021 йил 4 март куни "Сув хўжалигини ташкил этиш ва бошқариш" факультети профессор-ўқитувчилари ва Тошкент шаҳри Юнусобод тумани 271-сонли умумтаълим мактаби битирувчи синф ўқувчилари билан учрашув бўлиб ўтди. Мактаб ўқувчиларига институтнинг видеоролиги кўрсатилди ва институтда тайёрланаётган таълим йўналишлари ҳамда магистратура мутахассисликлари ҳақида маълумотлар берилди.
Меҳмонларга институт ахборот-ресурс маркази, маданият саройи, спорт иншоотлари кўрсатилди. 271-сонли мактаб ўқитувчилари ва битирувчи синф ўқувчилари учун имтиёзларга эга бўлган инглиз тилини чуқур ўрганиш курслари ташкил этилиши бўйича дастлабки келишувлар амалга оширилди.
Учрашув қизиқарли, савол жавобларга бой бўлиб, ўқувчилар томонидан институтда талабаларни билим олиши учун яратилган шароитлар, институтнинг халқаро алоқалари тўғрисида кўплаб саволлар беришди.
ТИҚХММИ матбуот хизмати